[i553]
DE LA VILLE DE PARIS.
131
CCXVI. — Lettres de par la Ville à monseigneur l'Admiral, gouverneur de Parise.
18 mars 1553. (B Fol. n3 v°.)
Monseigneur,
k Nous avons receu voz lettres du xvi0 de ce moys <2), par laquelle nous avons veu et esté trés aises que vous avez receu noz lettres precedentes depuis noz lettres escriptes, attendans la publication qui se feroit es Cours souveraines ainsy comme l'adresse est faicte.
"Nous avons faict Assemblée des Quarteniers, L°iers et Xmers de ceste Ville, pour faciliter l'execution si tost que toutes les publications seront faictes, auparavant lesquelles ne povons aucune chose exe-
cuter. Ce jourd'huy ont esté les lettres publiées à la Chambre des Comptes; mercredi prochain elles se pourront publier à la Court des Aydes : ce faict, nous pourrons commencer jeudy. Nous avons faict dresser quatre bureaux en l'Hostel de ceste Ville, et ne se perdra pas une minute d'heure; et serez dès l'instant adverty de ce qui se fera et aura esté faict.
" Monseigneur, nous prions nostre Createur vous donner sa grace et en santé bonne vye et longue.
"A Paris, le xvine jour de Mars mil vc lu."
CCXVIL — Lettres de Monseigneur le duc de Montmorency.
18 mars 1553. (B Fol. 114 r°.)
16 mars.
"Mess", le Roy a esté bien aise d'entendre par vostre depesche du xiu° de ce moys(3' que Mess" de la Court de Parlement ayent verifié les lettres pa­tentes qu'il vous a faict expedier pour la fortifica­tion de sa ville de Paris, et pense que en ceste heure vous aurez eu les aultres vérifications qui vous sont necessaires et que vous procedderez aux cotisations et aultres choses necessaires pour l'execution desd, lettres, en telle diligence qu'il n'y aura point de faulte que au commancement du moys prochain vous ne commancez à fere mettre la main à l'œuvre à bon essient.
"Je vous envoyé la forme que ceulx de Soissons gardent à leurs ouvrages, de laquelle ilz se trouvent fort bien; et font leurs maneuvres et pionniers beau­coup plus de besongné, ayant marchandé avec eulx à la hotte, qu'ilz ne faisoient auparavant. Vous cn tire­rez ce que vous y trouverez plus utille et profil table et m'adverlirez, je vous prye, de l'ordre que vous aurez par ensemble résolu dc tenir à voz ouvraiges pour en veoir et nous en mander vostre advis de deçà.
"Et sur ce, Mess", je prye Dieu qu'il vous ayt en sa saincte garde.
"Escript à Annet, du xvi0 jour de Mars 155a.
«Vostre bien bon amy,
Montmorency.»
Articles envoyées par Monseigneur le Connestable contenant la forme et la maniere gue Mess" de la ville de Soissons ont tenue à la fortification de leurd, ville, pour sur iceulx nous regler : dont la teneur ensuyt.
k Pour ce que toutes choses se doibvent faire avec regle et ordre ou il ne s'ensuyt que confusion, semble que sur le faict de la fortiffication de la ville de Soissons seroit bon d'y procedder ainsy qu'il s'en­suyt.
"C'est ascavoir : quant aux porteurs de terre, les faire porter au milier de hottes, ainsy que l'on faict à present près Nostre Dame des Vignes -*), en distri-buans mereauk ainsy qu'on a commancé; et en fault faire un milier et plus qui se distribueront par cinq cens; et après que les premiers cinq cens seront dis­tribuez et rapportez, y aura homme commis poul­les tailler et compter, sçavoir s'il y aura eu faulte ou nom, pour obvier aux tromperies des gens malins qui en pourroient cacher affin d'avoir plus tost faict leur cinq cens, comme desjà ilz ont faict.
«Item, fauldra diviser lesd, porteurs par cin-quantenes et centaines, et fere faire des petites ban­nières de diverses coulleurs comme une de toille blanche, l'autre rouge; et toutes lesquelles seront mises et apposées au dessus de chascune cinquantaine et centaine, affin que chacun puisse veoir son en­seigne et soy retirer à l'atelier de sadicte luC ou e°"
(-)  L'amiral de Coligny avait été nommé gouverneur de Paris par lettres du 9 septembre 155i.
(2)   Voir ci-dessus l'article CCXI1I et la note <" en bas de la page.
(3)   Voir ci-dessus les articles CCV et CCVI. (*)   Faubourg de Soissons.
-7-